ໃນຊ່ວງຕົ້ນວັນສຸກ ຄວາມຮູ້ສຶກຕໍ່ຕະຫຼາດຍັງບໍ່ແນ່ນອນ ເມື່ອນັກຊື້ຂາຍຊັ່ງນ້ຳໜັກລະຫວ່າງຄວາມຄາດຫວັງຕໍ່ມາດຕະການກະຕຸ້ນເສດຖະກິດຂອງຈີນ ແລະຄວາມກັງວົນຕໍ່ຕະຫຼາດໜີ້ທີ່ກຳລັງໃກ້ເຂົ້າມາ ຊຶ່ງມີສາເຫດຈາກບໍລິສັດອະສັງຫາລິມະສັບຊັ້ນນຳ. ການຂາດຂໍ້ມູນ ຫຼືເຫດການສຳຄັນ ພ້ອມທັງຄວາມບໍ່ແນ່ໃຈຕໍ່ກ້າວຕໍ່ໄປຂອງ Fed ກໍອາດເປັນອຸປະສັກສຳລັບນັກຊື້ຂາຍ ຫຼັງຈາກຂໍ້ມູນສະຫະລັດທີ່ອອກມາໃນໄລຍະຜ່ານມາດີກວ່າຄາດ ແລະຫຼຸດຄວາມຄາດຫວັງຂອງຕະຫຼາດວ່າຈະປັບປ່ຽນນະໂຍບາຍໃນເດືອນກັນຍາ.
ເຖິງຢ່າງນັ້ນ ຂໍ້ມູນທີ່ແຂງແກ່ນຂອງຍີ່ປຸ່ນ ບວກກັບຜົນຕອບແທນພັນທະບັດຄັງເງິນສະຫະລັດທີ່ຫຼຸດລົງ ຊ່ວຍໜູນຝ່າຍຂາຍ USDJPY.
ນອກຈາກນີ້ ຕົວເລກຍອດຂາຍຍ່ອຍຂອງອັງກິດທີ່ອ່ອນແອ ເຮັດໃຫ້ GBPUSD ຄືນຜົນກຳໄລປະຈຳອາທິດບາງສ່ວນ ເຊິ່ງເປັນຜົນກຳໄລທີ່ສູງທີ່ສຸດໃນບັນດາຄູ່ສະກຸນເງິນຫຼັກ ເຖິງແມ່ນເງິນໂດລາສະຫະລັດຈະເຄື່ອນໄຫວຊ້າກໍຕາມ.
ໃນຕະຫຼາດອື່ນໆ AUDUSD ແລະ NZDUSD ປັບຂຶ້ນເລັກນ້ອຍ ຂະນະທີ່ຄຳແລະນ້ຳມັນດິບຟື້ນຕົວເລັກນ້ອຍຫຼັງຈາກຂາດທຶນ. ຄວນສັງເກດວ່າຮຸ້ນ ແລະ ສັນຍາຟິວເຈີສຮຸ້ນຍັງບໍ່ມີທິດທາງຊັດເຈນໃນເວລາລາຍງານຂ່າວ.
ເມື່ອເວົ້າເຖິງຄຣິບໂຕ BTCUSD ຍັງຖືກກົດດັນຢູ່ໃນລະດັບຕ່ຳສຸດໃນຮອບ 2 ເດືອນ ຫຼັງຈາກປັບລົງລາຍວັນຫຼາຍທີ່ສຸດນັບແຕ່ເດືອນພະຈິກ 2022 ຂະນະທີ່ ETHUSD ຫຼຸດພົ້ນຈາກການປັບລົງລາຍວັນທີ່ຍາວນານທີ່ສຸດໃນຮອບ 4 ເດືອນ ທ່າມກາງຕະຫຼາດທີ່ກຳລັງມີສະຖຽນລະພາບ.
ຕໍ່ໄປນີ້ແມ່ນຄວາມເຄື່ອນໄຫວຫຼ້າສຸດຂອງສິນຊັບຫຼັກ:
ເຖິງແມ່ນວ່າອາລົມຂອງຕະຫຼາດຕໍ່ການຊື້ຂາຍຈະບໍ່ແນ່ນອນເປັນສ່ວນໃຫຍ່ ແຕ່ຜົນງານທີ່ອ່ອນຕົວຂອງ USDJPY ແລະ BTCUSD ກໍດຶງດູດຄວາມສົນໃຈຈາກນັກຊື້ຂາຍຕາມແຮງສົ່ງໃນຕອນເຊົ້າວັນສຸກ. ຄວນສັງເກດວ່າ ອັດຕາເງິນເຟີ້ທີ່ສູງຂອງຍີ່ປຸ່ນໄດ້ຫຼຸດຄວາມກັງວົນວ່າທະນາຄານກາງຍີ່ປຸ່ນ (BoJ) ຈະໃຊ້ນະໂຍບາຍຜ່ອນຄາຍ ແລະກົດດັນຄູ່ເງິນເຢນ ຂະນະທີ່ SEC ຂອງສະຫະລັດໄດ້ຮັບໄຊຊະນະຊົ່ວຄາວໃນຄະດີຕໍ່ສູ້ທາງກົດໝາຍກັບຜູ້ປະກອບການໃນອຸດສາຫະກຳ ເຮັດໃຫ້ລາຄາ Bitcoin ດິ່ງລົງ.
ໃນອີກດ້ານໜຶ່ງ ຂ່າວຈາກຈີນບໍ່ໄດ້ຊີ້ທິດທາງທີ່ຊັດເຈນໃຫ້ແກ່ AUD ແລະ NZD ໃນຂະນະທີ່ USDCNH ຍັງເຄື່ອນໄຫວຢູ່ໃກ້ຈຸດສູງສຸດຂອງປີ. ແນວໃດກໍຕາມ ຍອດຂາຍຍ່ອຍຂອງອັງກິດໃນເດືອນກໍລະກົດຫຼຸດລົງແບບບໍ່ຄາດຄິດ ເຮັດໃຫ້ GBPUSD ອ່ອນຄ່າລົງ ເຖິງວ່າຈະສວນທາງກັບແນວໂນ້ມໂດຍລວມທີ່ໜຸນຄວາມແຂງຄ່າຂອງເງິນໂດລາສະຫະລັດໃນບັນດາຄູ່ສະກຸນເງິນຫຼັກ.
ນອກເໜືອຈາກປັດໃຈທີ່ກ່າວໄປແລ້ວ ອາລົມລະມັດລະວັງຂອງນັກຊື້ຂາຍກ່ອນການກ່າວສຸນທອນພົດໃນອາທິດໜ້າຂອງບັນດາຜູ້ກຳນົດນະໂຍບາຍການເງິນຄົນສຳຄັນ ໃນງານປະຊຸມ Jackson Hole Symposium ປະຈຳປີ ກໍຍັງຈຳກັດການເຄື່ອນໄຫວຂອງຕະຫຼາດ.
ຕົວເລກຂັ້ນສຸດທ້າຍຂອງອັດຕາເງິນເຟີ້ໃນເຂດເອີໂຣສຳລັບເດືອນກໍລະກົດ ແລະຕົວເລກການຜະລິດອຸດສາຫະກຳຂອງການາດາສຳລັບ Q2 2023 ຈະເປັນຂໍ້ມູນໃນຕາຕະລາງປະຈຳວັນ. ແຕ່ຈະໃຫ້ຄວາມສົນໃຈຫຼາຍກັບອັດຕາຜົນຕອບແທນ ແລະປັດໄຈກະຕຸ້ນຄວາມສ່ຽງ ເນື່ອງຈາກນັກຊື້ຂາຍເລີ່ມສົງໄສຕໍ່ຄວາມເຫັນພ້ອມກັນກ່ອນໜ້ານີ້ທີ່ຄາດວ່າທະນາຄານກາງຊັ້ນນຳຈະຢຸດຂຶ້ນອັດຕາດອກເບ້ຍ.
ຂໍໃຫ້ທ່ານໂຊກດີໃນການຊື້ຂາຍ!
